Sunog sa Tondo: Mag-asawa patay

MANILA, Philippines - Bunga ng suffocation, na­sawi ang isang mag-asawa, habang ang da­lawang anak nila ay isi­nugod din sa pa­ga­mutan matapos ma­sunog ang ka­nilang tahanan habang natu­tulog kama­kalawa ng gabi sa Tondo, Maynila.

Dead-on-arrival sa Gat Andres Bonifacio Hospital si Johnny Chua at may­bahay na si Janette na patay rin bago pa umabot sa Mary Johnston Hospital. Inoobserbahan na­ man sa Metropolitan Hospital ang kanilang mga anak na sina Justine, 11, at Jasper­, 9.

Sa ulat ni FO3 Em­manuel Gaspar ng Manila Fire Bu­reau, dakong alas-11 ng gabi nang mag­simula ang sunog sa ika-6 na pa­lapag ng Bail­wick Mar­keting Bldg. na nasa #643 Favia St., Tondo, Maynila.

Nabatid na mahimbing na natutulog ang pamilya nang sumik­lab ang apoy sa ika-6 na palapag kung saan naka­imbak umano ang kanilang negos­yong garment na nag­labas umano ng makapal na usok nang ma­sunog ang mga tela. Hindi umano na­ma­layan ng pamilya Chua ang naga­ganap at mga kapitbahay nila na naka­pansin sa sunog at agad na tumawag ng bum­bero.

Habang inaapula ang sunog ay nire-rescue na­man ang pa­milya na pina­ni­ni­wala­ang na-trap gamit ang fire truck ladder dahil mataas umano ang gusali na kinala­lag­yan ng bodega at silid ng pamilya Chua.

Nailabas naman ang mag-anak na walang mga malay subalit hindi na nailigtas ang mag-asawa.

Umabot lamang ng ika-2 alarma ang sunog na idinekla­rang fire-out da­kong alas-2 ng ma­daling-araw.

Pinaniniwalaang short cir­cuit ang dahilan ng su­nog na nagmula sa bodega ng gar­ment. Hindi pa natu­tukoy kung  mag­kanong halaga ang na­pinsala ng sunog.