Pasay City Ge­neral Hospital naka quarantine

MANILA, Philippines - Kasalukuyang isinasa-ila­lim ngayon sa masusing qua­rantine ang Pasay City Ge­neral Hos­pital (PCGH) upang mailigtas ang mga pasyente rito sa pag­kaka­hawa ng naka­mamatay na “pseudomonas aeruginosa bacteria” maka­ra­ang mapag-alaman na “kon­ta­minado” nga nito ang naturang pagamutan.

Sa isang exclusive inter­view ng PSN kay Cherry Caranay, Administrative Offi­cer ng PCGH, inamin nito na isinasa-ilalim ngayon sa qua­rantine ang nabanggit na pagamutan at isang linggo ng under fumi­gation ang pedia ward at surgery ward ng gusali.

Nabatid na ang pagsasa-ilalim ng naturang quarantine ay matapos na matuklasan na nagtataglay nga ng bacteria ang naturang mga wards mula sa mga batang pasyente na du­ma­ranas ng karamda­man, parti­kular ng mataas na lagnat.

Sa kasalukuyan ay nana­na­tili umanong naka-pinid ang sur­gery at pedia wards ng PCGH.

Kinumpirma rin ni Caranay na noon pang nakalipas na Lunes sinimulan ang fumiga­tion at tinatayang matatapos ito sa darating pang Lunes.

Wala naman aniyang dapat na ikabahala ang mga pasyente dahil ginagawa na ng pamu­nuan ng PCGH ang kaukulang mga hakbang upang mabig­yang-proteksyon ang mga pas­yenteng nana­natili pa rin sa loob ng na­sabing pagamutan.

Sinasabing ang pagkaka­tuklas sa kontaminasyon ng nasabing bacteria sa PCGH ay makaraang magsagawa ng pagsusuri dito at mag-positi­bong na-detect sa dugo ng ilang pasyente ang na­turang bac­teria. (Rose Tamayo-Tesoro)