ISAFP agent niratrat, todas

MANILA, Philippines - Isang agent ng Intel­ligence Service of the Armed Forces of the Philip­pines (ISAFP)ang nasawi matapos itong tambangan ng tatlong hindi pa naki­kilalang mga lalaki na nag­kunwaring pasahero ha­bang nama­ masada ng tri­cycle ang una sa Caloocan City kahapon ng umaga.

Dead-on-the-spot san­hi ng mga tama ng bala sa katawan ang biktimang si Maximo Simbala, 45, ng Phase 7B, Block 29, Pack­age 6, Brgy. 176, Bagong Silang ng lungsod na ito.

Patuloy namang pinag­­­ ha­­hanap ng pulisya ang mga tumakas na suspects.

Base sa inisyal na re­port, alas-5 ng umaga, nag-aabang ng pasahero ang biktima sa terminal ng tricycle sa Macopa Road, Malaria ng nabanggit na lungsod nang dumating ang mga suspek at luma­ pit sa kanya.

Inakala naman ni Sim­bala na mga pasahero kung kaya pumuwesto na siya sa kanyang tricycle su­balit bigla na lamang itong pinagbabaril ng mga suspek bago tumakas.

Iniimbestigahan na ng mga pulis kung may ki­nala­man sa trabaho ng biktima ang dahilan ng nasabing insidente. (Lor­deth Bonilla)