EBIDENSIYA ILALANTAD:Kaso ni Ted, huwag munang husgahan - Gen.Verzosa

MANILA, Philippines - Huwag munang hus­ga­han ang kaso ni Ted!

Ito ang panawagan ka­hapon ni Philippine Na­tio­nal Police (PNP) Chief Di­rector General Jesus Ver­zosa sa lahat ng sektor ka­ugnay ng samutsaring mga espeku­lasyon hinggil sa isyu ng suicide o foul play sa posib­leng parri­ cide sa pagka­matay ni Trinidad Etong, misis ni ABS-CBN broad­caster Ted Failon sa Que­zon City noong Abril 15.

Sa panayam, sinabi ni Verzosa na dapat nang tigilan muna ang maagang paghusga sa sanhi ng pag­kamatay ni Trinidad sa da­hilang ito ay posibleng makagulo lamang sa takbo ng imbestigasyon na ma­susing isinasagawa ng pulisya.

Binigyang diin ni Ver­zosa na ipinag-utos niya ang malalimang imbesti­gas­yon sa kaso, ipina­lulutang ang lahat ng mga ebidensya na nakuha sa crime scene upang lumi­litaw ang katotohanan sa likod ng pagkamatay ni Trinidad.

Ayon kay Verzosa, hindi makakatulong sa im­bestigasyon kung huhus­gahan kaagad ang kaso gayong hindi pa naman tapos ang isinasagawang imbestigasyon, partikular na ng Criminal Investi­ga­tion and Detection Group (CIDG) at Scene of the Crime Operatives (SOCO) ng Quezon City Police District.

Sa ngayon ay sari-saring mga opinyon at haka-haka ang lumulu­tang sa pagkamatay ng 45-anyos na si Trinidad, na natagpuang may tama ng bala sa kaliwang sen­tido ni Ted at ng mga ka­sambahay nito sa kanilang tahanan sa #27 General Aquino Street, Tierra Pura Subd. sa Quezon City.

Sa kabila ng mga mag­kakasalungat na tes­ti­mon­ya ni Ted at apat na kasam­bahay nito hinggil sa ka­nilang pagkakadiskubre sa posisyon ng duguang si Tri­ni­dad sa loob ng ka­nilang banyo, sinabi ni Verzosa na malaki ang maitutulong ng pisikal na ebidensya na nakalap ng SOCO teams mula sa crime scene.

“We are correlating all pieces of physical evi­dence that were lifted on the crime scene, the in­vestigation was still on going,” pa­liwanag ng Chief PNP.

Samantalang bunga ng paglilinis sa crime scene ay nahaharap sa kasong obstruction of justice si Ted Failon, mga katulong na sina Carlota Morbos, Wil­freda Bollicer, houseboy na si Pacifico Apacible at driver na si Glenn Ponan.

Gayundin ang hipag at bayaw ni Ted na sina Pa­mela at Max Arteche na ma­rahas na inaresto ng Quezon City Police District sa hospital noong Huwe­bes ng gabi bunsod upang ipasibak ang mga pulis na gumamit ng ‘excessive force’ sa nangyaring ko­mosyon.

Nagpahayag din ng paniniwala si Verzosa na hindi maaapektuhan ang mga imbestigador ng Spe­cial Task group ng Quezon City Police District ng mga batikos mula sa media ka­ugnay sa pagsa­sagawa ng imbestigasyon sa pagka­matay ni Trinidad.

Samantala, umapela rin ang pulisya sa pamilya ni Ted na tumulong sa ka­nila para agad na ma­re­solba ang naturang kaso.

 Sa press conference kahapon sa tanggapan ng QCPD sa Camp Karingal, hiniling ni QCPD OIC Di­rector, Sr. Supt. Elmo San Diego, sa pamilya Etong at Arteche, mga kasam­bahay, drivers at lahat ng kaanak ng nasawing si Tri­nidad na magtungo sa ka­nilang tanggapan at tulu­ngan sila upang masagot ang mga importanteng tanong sa kung ano ang tunay na dahilan ng pagka­matay ni Trinidad.

Ayon kay San Diego, hindi nila kailangan ang anumang haka-hakang lumulutang kaugnay sa kaso dahil nakakasira lamang umano ito sa kon­sentrasyon ng kanilang ope­ratiba para agad na masolusyunan ang na­sabing insidente.

Samantala, nakapokus naman ngayon sa imbes­ti­gasyon ang tropa ni San Diego sa tama ng bala o tra­­jectory bullet sa ulo ng biktima dahil dito nila umano madedetermina kung ano ang tunay na nangyari halimbawa kung nagpaputok ba ito o may ibang gumawa.