Bodega pinasok ng acetylene gang

MANILA, Philippines - Isang bodega sa Protacio St., Pasay City ang hinihina­lang nilooban ng mga miyem­bro ng Acetylene gang at natangayan ng may 100,000 halaga ng mga kalakal kama­kalawa ng gabi.

Lumilitaw sa imbestigas­yon ni PO3 Marianito Agas ng Pasay City Police-Station Investigation and Detective Ma­nagement Section na kabi­lang sa ninakaw ng mga sus­pek sa bodega ang 500 payong at pitong sako ng synthetic belt.

Sinabi ng 46 anyos na negosyanteng si You Go Chen na may-ari rin ng naturang mga kalakal na, bandang hapon kamakalawa, inayos nila ng kanyang mga helper ang kahon-kahong kalakal sa naturang bodega para ihanda ito sa delivery.

Subalit kahapon ng umaga, ibinalita sa kanya ng anak ng may-ari ng inuupa­han niyang bodega na nilo­oban ito at nawawala na ang kanyang mga kalakal.

Winasak ng mga suspek ang steel accordion door ng bodega sa tulong ng acetylene.

Hinihinala ng pulisya na madaling-araw nang looban ng mga suspek ang bodega. (Lordeth Bonilla)