16-taon kulong sa 2 sa 'Pasig shabu tiangge'

MANILA, Philippines - Hinatulan kahapon ng Pasig City Regional Trial Court ng   hanggang 16-taong pagkakakulong ang dalawang lalaki na kasa­mang nadakip sa loob ng sikat na “Pasig shabu tiangge” noong 2006.

Sa 14-na pahinang de­sis­yon ni Judge Librado Correa, ng RTC Branch 164, pinatawan nito ng 12 hang­gang 16 na taong pagkakulong sina Norman Pedrogaza at Ringo Ne­sortado dahil sa paglabag sa Section 7 ng Republic Act 9165 o Compre­hen­sive Dangerous Drugs Act of 2002. Pinagbabayad din ang dalawa ng tig-P100,000 danyos.

Sa ilalim ng Section 7 ng naturang batas, sinumang mahuhuli sa akto sa loob ng isang napatunayang drug den ay may katumbas na parusang pagkakulong ng hanggang 20 taon at multang hanggang P500,000.

Pinawalang-sala na­man ng korte si Pedrogaza at ikatlong akusado na si Yusop Palao sa kasong pama­mahala ng drug den matapos na hindi mapatu­nayan ng pulisya na ang mga ito nga ang may-ari ng isa sa drug den sa natu­rang shabu tiangge sa may F. Soriano St., Brgy. Palatiw, Pasig City.

Matatandaan na sina­lakay ng mga tauhan ng PNP-Anti-Illegal Drugs Spe­cial Operations Task Force   ang naturang sha­bu tiangge noong Pebrero 10, 2006 kung saan nadis­kubre ang sari-saring mga barung-barong na mistu­lang ginawang tiangge na dito malayang nakakabili ng iligal na droga at naka­kagamit sa mga drug den ang mga bumibisita dito. (Danilo Garcia)