Akyat bahay nahulog sa bubong, todas

MANILA, Philippines - Minsan pang pinatu­nayan ang kasabihan na ang “masamang gawain ay laging may kaakibat rin na masamang karma” makaraang mabasag ang bungo ng isang mi­yembro ng “Akyat-Bahay” gang na agad na ikina­sawi nito matapos itong madulas at mahu­log mula sa bubong ng pinagna­nakawan nilang bahay kahapon ng ma­da­ling-araw sa Las Piñas City.

Nagkabali-bali rin ang katawan nang dam­putin sa sementadong sahig ang bangkay ng bikti­mang si Silly Portillo, 29 anyos, at residente ng Sandigan Compound, Naga Road, Pulang Lupa 1, ng nabanggit na lungsod.

Batay sa imbesti­gasyon ni PO3 Richard Credo ng Investigation and Detective Management Section, dakong alas-2:30 ng madaling-araw nang unang pasu­kin ng nasawing suspect at isa pang kasamahan nito ang pamamahay ni Judith Ang sa No. 42-A Hilario St., Saint Joseph Subdivision, Pulang Lupa Dos, Las Piñas City.

Ang nasawing suspek at isang hindi pa nakiki­lalang kasamahan nito ay umakyat muna sa bu­bong ng ikatlong palapag upang doon dumaan papasok sa bahay ng ginang.

Narinig naman uma­no ng biktima ang mga kaluskos at nang suriin niya ito ay nakita niya ang mga suspek habang papasok sa bintana na nasa ikala­wang palapag ng kani­yang bahay.

Bunga nito ay agad na lumabas ng bahay ang ginang at nagsisigaw na humingi ng tulong sa mga kapitbahay.

Na­­alarma at nata­ranta ang mga suspek kaya bu­malik sila sa tuk­tok ng bubong ng bahay para tumakas pero, sa hindi inaasa­hang pagka­ka­taon, na­dulas si Portillo dahilan upang una ulo itong tuluy-tuloy na bu­mag­sak sa sementadong sahig na naging dahilan ng ka­niyang agarang pagkasawi.