Gang war: 1 patay

MANILA, Philippines - Isa na naman ang nasawi dahil na rin sa lumalalang “gang war” sa Pasig City ma­karaang ma­­saksak sa mukha, habang isa pa ang sugatan sa naganap na rambol ng magka­labang grupo, kahapon ng madaling- araw.

Wakwak ang mukha at butas ang baga ng biktimang si Gerry Talaman, 23, binata, ng   Brgy. Napico Manggahan, ha­bang sugatan naman ang kasa­mahan nitong si Jonathan Metes, 19, dahil sa natamong saksak sa katawan. Kapwa miyem­bro ng dalawa ng “8-Miles Gang” sa naturang barangay.

Arestado naman ang tatlong suspek na pawang mga miyem­bro ng “Clown Gang” na sina Renz Mark Melchor, 18; Luigie Gamboa, 21; at Edmund Fe­ruelo, 20.

Sa imbestigasyon ng pu­lisya, naganap ang insidente dakong alas-12 ng hatinggabi sa Napico Manggahan ng bigla na lamang sumiklab ang kagu­luhan sa pagitan ng “8-Miles Gang” at “Clown gang” kung saan dugu­ang bumulagta sina Talaman at Metes. Tapos na ang kaguluhan nang rumes­ponde ang mga tauhan ng Pasig police ngunit inginuso ng mga saksi ang tat­long suspek na sangkot sa krimen. Dito isa-isang inaresto sa “follow-up ope­ration” ang mga suspek na posi­tibo namang kinilala ni Metes.

Itinanggi naman ng tatlo na sangkot sila sa pananaksak sa dalawa dahil sa maging sila umano ay biktima rin ng ka­guluhan dahil sa natamong mga sugat at pasa sa katawan. Iginiit ng mga ito na napadaan lamang sila sa lugar at na­damay sa naturang rambol. (Danilo Garcia)