Gastos sa graduation ng 29,900 students sinagot ni Recom

MANILA, Philippines - Tiyak na magiging mas masaya ang pagtatapos ng mahigit 29,900 estud­yante sa lungsod matapos ihayag kahapon ni Caloo­can City Mayor Enrico “Recom” Echiverri na ili­libre nito ang mga gastusin sa graduation na kada­lasa’y pinapasan ng mga magulang.

Bukod pa rito, naka­takda ring ipagpatuloy ng Caloocan Mayor ang pag­bibigay nito ng “Best Teacher” at “Best Student” award at financial assistance sa mga natatanging guro at mag-aaral sa 86 pampublikong paaralan sa siyudad.

Ayon kay Echiverri, ba­gama’t nauna nang iniutos ng Department of Education (DepEd) na gawing simple ang graduation ceremony sa mga pampub­likong paaralan dahil sa nararanasang krisis, hindi pa rin maiwasan na gu­mas­tos ang mga magu­lang dahil sa iba’t ibang kon­tribusyon at graduation fees.

Dahil dito, nagpasya ang alkalde na sagutin ang gastusin ng mga magulang sa pag-arkila ng graduation toga para sa kanilang mga anak na magsisipag­tapos.

Inilibre rin ni Echiverri ang gagamiting sound system sa mga paaralan na ka­­dalasa’y kasama sa bina­bayaran na graduation fee.

Una rito, inisponsoran ng alkalde ang mga me­dalya at sertipiko na igina­wad sa mga top student ng mahigit 16,500 estud­yanteng iskolar ng mga day care center na pinata­takbo ng lungsod.

Iniutos din niya ang pagpapatupad ng “No toga policy” sa graduation sa lahat ng 198 day care centers upang hindi na maka­dagdag pa sa gastusin ng mga magulang.