Minority councilors pipigilan ang Pandacan oil depot

MANILA, Philippines - Binatikos ni Manila 3rd district Councilor at Minority Floor Leader Letlet Zarcal si Manila Mayor Alfredo Lim dahil sa pag-‘turnaround’ nito sa isyu ng Pandacan oil depot kasabay ng pag­­sasa­bing isa itong “Houdini escape” dahil sa maraming pagpuna sa muling pagpa­panatili ng mga petroleum companies sa Maynila. Ayon kay Zar­cal, tila naghu­hugas-kamay umano si Lim sa nilikhang administrative measure na itinulak ng mga kaalyansa nitong konsehal sa pa­ma­magitan nang pag­pasa sa isang ordinansa na mag­papanatili sa mapa­nga­nib na oil depot sa lungsod. Klinaro ni Zarcal na pana­hon ni dating Manila Mayor Lito Atienza nang apruba­han ang ordi­nances 8027 at 8119 na nagba-ban sa mga oil depots sa Panda­can at nag-uutos sa relo­kasyon ng mga ito. At sa panahong ito, sa admi­nis­trasyon umano ni Lim na nagkaroon ng rail­roaded ng majority coun­cilors at ina­mend ang na­unang ordi­nansa para muling i-accommodate ang mga oil depot sa Maynila. Paano niya (Lim) masa­sabing prayoridad nya ang mga residente malapit sa oil depot samantalang mga ka­­alyado nya sa konseho ang nag­tulak na manatili ang mga ito,” pahayag pa ni Zarcal. Ipinaalala ni Zar­cal na ang paglilipat sa mga oil depot ay na-upheld ng Korte Suprema. “Ang ka­lig­ta­san ng mga mama­mayan at proteksyon ng ka­pa­li­giran ang dapat na ma­naig at hindi ang mga ma­ka­sariling layunin,” dagdag pa nito.