Gabriela kakasuhan

MANILA, Philippines - Upang matigil na umano ang paggamit ng mga menor-de-edad sa hanay ng mga rali­yista, nakatakdang sampahan ng kaso ng Manila Police District (MPD) ang militanteng grupong Gabriela, bukod pa sa patuloy na pagsasagawa ng kilos pro­testa sa ‘no rally zones, sa Maynila.

Mali umano ang taktika ng mga militante na gamitin ang mga kabataan bilang frontliners upang hindi sila maitaboy ng mga anti-rally police.

Hawak na ni MPD Director General Roberto Rosales ang footages ng rally, litrato  na may makikitang menor de edad sa hanay ng raliyista at mga pa­hayag ng mga saksi, bilang ebi­densiya sa paghahain ng kaso.

“We have gathered pieces of evidence, including videos, pictures, and witness accounts to bolster the case against them,” ani Rosales.

Bukod sa ginagawang pa­nanggalang ang mga bata na nalalagay din sa panganib ang buhay, ginagamit din ang mga ito para makakuha ng simpatiya sa publiko at maging sa inter­national community.

Maaari rin naman umanong magdaos ng rally sa itinakdang lugar, pinipilit pa umano ng mga raliyista na magtungo sa ‘no rally zones’ tulad ng US Em­bassy sa Roxas Boulevard.

Kasong paglabag sa Batas Pambansa 880  (rallying without permit) at paglabag sa Republic Act 7610 ( Anti-Child Abuse Act) under the provision prohibiting the corruption of minors and reck­lessly exposing minors to danger ang isa­sampa laban sa Gabriela sa Manila Prosecutor’s Office kaugnay sa naganap na rally noong nakalipas na Miyer­kules, kung saan nagkasakitan ang mga raliyista at pulis sa isang anti-VFA rally. (Ludy Bermudo)