Kilabot na holdaper, timbog

MANILA, Philippines - Nasakote ng mga tauhan ng Manila Traffic and Parking Bu­reau (MTPB) ang isang kilabot na holdaper kamaka­lawa ng hapon sa kahabaan ng   Ca­pulong St. sa Tondo Maynila.

Nakapiit ngayon sa   Manila City Hall-District Special Project Unit ang suspect na nakilalang si Kenneth dela Cruz, 21, miyem­bro ng Batang City Jail at naninirahan sa Bldg. 8 Unit 39 Temporary Housing, Vitas, Tondo, Maynila matapos na po­ sitibong ituro ng biktimang si Mercilito Apat, 29, accounting clerk ng Solid Shipping Lines.

Batay sa report, dakong alas-6 ng hapon nang mapansin ng mga traffic enforcer na sina Fer­dinand Borja, Romeo Calida, Ernesto Sebusa at Ricardo Gerbon ang komosyon sa Ba­rangay 105.

Lumapit sa mga traffic enforcer si Apat at humingi ng tulong dahil sa panghoholdap sa kanya ng suspect.

Agad na hinabol ng mga traffic enforcer ang suspect hang­gang sa ma­kuyog ito sa Building 7 ng na­sabing tempo­rary housing.

Nakuha sa suspect ang isang Nokia cellphone na pag­ma­may-ari ng biktima at isang patalim na gamit ng una sa panghoholdap. (Doris Franche)