Puganteng Kano timbog ng BI

MANILA, Philippines - Naaresto ng Bureau of Immigration (BI) sa Ninoy Aquino International Air­port (NAIA) ang isang pu­ganteng Amerikano na wanted sa isang bangko sa US ng mahigit sa $18 million.

Si Kevin Mitcehl Gore, 40, ay naaresto sa bisa ng mission order na inisyu ni Immigration Commis­sioner Marcelino LIbanan.

Naharang si Gore ng mga operatiba ng BI-NAIA sa NAIA 2 centennial air­port ilang minuto bago itong sumakay ng Philip­pine Air­lines patungong Hong­kong.

Nilinaw ni LIbanan na iniutos niya ang pag-aresto kay Gore matapos ipaalam ng US embassy sa Manila na nasa bansa ito upang magtago sa kanyang kaso mula sa bansang US at ang pagkansela ng US govern­ment sa pasaporte nito.

Nakatakda namang mag-isyu ang BI board of commissioner ng sum­mary deportation kasabay ng paglalagay sa immigra­tion blacklist ni Gore at hindi na ito maari pang pumasok sa PIlipinas dahil sa pagi­ging undesirable alien.

Sinabi naman ni Atty. Floro Balato Jr. spokes­man ng BI na si Gore ay wanted sa kasong bank fraud at matagal ng nasa wanted list ng Federal Bureau of Investigation (FBI) matapos na magpa­labas ang Illinois court ng warrant of arrest. (Gemma Amargo-Garcia)