Amok na sundalo susuko na?

Nakahanda na umanong sumuko si Army Sgt. Elias Tial na bumaril at nakapatay sa tatlo niyang superior at naka­sugat sa isa pa sa loob ng Fort Boni­facio, noong naka­raang linggo.

Ayon sa nakalap na impor­masyon, nakipag-ugnayan na sa awtoridad ang pamilya ni Tial para sa pagsuko nito.

Kaugnay nito, umaasa naman ang pulisya na agad ng maliwanagan ang isip ni Tial at maging maaga ang pagsuko nito.

Una ng naglunsad ng man­hunt operation ang pinag­sanib na pwersa ng PNP at AFP laban sa naturang sundalo.

Matatandaan na nitong Miyer­kules ng nakaraang linggo nang pagbabarilin ni Tial ang kaniyang mga kasa­mahan sa loob ng barracks.

Patay sa naturang pama­maril sina Captain Dionicio Ara­gon, 1Lt. Gerald Fuentes at MSG Elesio B. dela Cruz, ha­bang nanatili pa rin ngayon sa ospital si Cpt. Benito G Ramos Jr.  (Rose Tamayo-Tesoro)