Imbestigasyon ng NAPOLCOM sa 'rubout', ilalabas na

Nagpahayag kaha­pon ang National Police Com­mission (Napolcom) na nasa “finishing touches” na ang kanilang imbesti­gas­yon kaugnay ng aku­sas­yong nagkaroon ng “rub­out” sa engkwentro sa pa­gitan ng mga pulis at hini­hinalang carnap­pers sa EDSA noong na­ka­raang linggo.

Ayon kay Napolcom vice-chairman Eduardo Escueta, natukoy na ng ahensya ang apat na ma­lalaking “lapses” o pag­ku­kulang na nagawa ng mga pulis sa operas­yon dahilan para mapa­tay ang tatlong carnappers. 

Napatunayan aniya ng Napolcom na nagka­roon ng “overkill” sa ope­rasyon kung kaya’t ang mga pulis na sangkot ay maaring ma­sibak sa ka­nilang pwesto, ma-demote o ma-sus­pinde. Ito’y maliban pa aniya sa kasong murder na naghihintay sa naturang mga pulis.

Kamakalawa ng ha­pon ipinataw ng Napol­com en banc ang 90-days preven­tive suspen­sion sa 29-pulis na kina­bi­bilangan nina Ins. Angelo B. Nicolas (team leader ng Anti-Carnap­ping Unit ng Quezon City Police District), SPO1 Frederick Torres, PO3 Honey Besas, PO3 Gli­cerio Manacpo, PO2 Eugene Martines, PO2 Randy Barrameda, PO1 Ranmond Escober at PO1 Freddy Suliva.

Kabilang din sa mga sinuspinde sina P/Senior. Supt. Fortunato Guerreo (team leader ng National Capital Region, Highway Patrol Group), P/Chief Insp. Allan Rubi Macapa­gal, P/Chief Insp. James Ramos, P/Chief Insp. Henry Cerdon, PCI Fran­cis Bunag, P/Insp. Ro­gelio Acosta, SPO4 Gre­gorio Aquino, SPO2 Wil­son Prion, SPO1 Eliseo Dan­nug, PO3 Ireneo Emerson Reyes, PO3 Allan Joseph Bonggat, PO3 Joel Sa­balvaro, PO3 Julius Arca­las, PO3 Eduardo Mede­nilla, PO3 Erwin Rubrico, PO2 Catherine Guerrero, PO2 Arlene Driz, PO1 Eugene Morales, PO1 Vir­gilio Su­nga, PO1 Jessie Ol­pindo, at PO1 Avelino Nu­ñez. (Rose Tamayo-Tesoro)