Bangkay ng 2 karnaper huhukayin

Inutos ng Commission on Human Rights ang pag­hukay sa dalawa sa tatlong bangkay na hinihinalang carnapper na napatay sa pakikipagbarilan sa pulisya sa Quezon City kama­kailan.

Ayon kay Atty. Carmen Rosete ng CHR-National Capital Region office, pu­mayag na ang pamilya ng dalawang napatay na suspek na sina Romeo De Guzman at Alfredo Pimen­tel na muling isailalim sa awtopsiya ang bangkay ng mga ito.

Ang pamilya ng pangat­long suspek na si Roland Batapa, 25, ay kuntento na sa unang resulta ng awtop­siya na isinagawa ng Quezon City Police District.

Magugunitang nama­taan sa Mandaluyong City ang apat na hinihinalang carjackers na nakasakay sa carnapped vehicles at nagkaroon ng habulan sa pagitan ng PNP Highway Patrol at mga suspek noong Pebrero 17 ng taong ito.

Sinasabing ang habulan ay napadako sa bisinidad ng Quezon City kung saan niradyuhan ng Highway Patrol ang QCPD Anti-Car­napping Unit na agad namang rumesponde sa may Edsa kanto ng NIA Road, Brgy. Piñahan, Que­zon City.

Dito nagkabarilan na iki­namatay ng tatlo sa mga suspek habang nakatakas ang isang kasamahan ng mga ito.

Pumasok na rin sa isyu si CHR Chairperson Leila de Lima nang nakita nito ang video footage ng police operation kung saan pinag­babaril nang walang ka­laban laban ang mga sus­pek na hindi na guma­ galaw.