Truck bumitin sa flyover

MANILA, Philippines - Nagimbal ang mga moto­rista na bumibiyahe sa ilalim ng Ortigas Flyover makaraang bu­mitin sa ere ang kalahati ng 14-wheeler truck na may kar­gang buhangin dulot ng pagka­wala nito ng kontrol habang bi­na­bagtas ang ibabaw ng na­sabing kalsada sa lungsod ng Pasig kamakalawa ng gabi.

Ayon sa ulat, nangyari ang in­sidente ganap na alas-10 ng gabi habang binabagtas ng na­sabing truck na minamaneho ni Alex Dulabot ang lugar. Pag­sapit sa paitaas na bahagi ng nasa­bing flyover ay bilang tumi­rik ang sasakyan nito sanhi upang umat­ras ito paibaba. Sa pag-atras ng truck, tina­maan nito ang steel rail­ings hanggang tulu­yang ma­basag ang semen­tong pi­nag­papatu­ngan nito at mahulog ang huling gulong nito sa kalsada.

Bukod sa semento at rail­ings, bumagsak din ang poste ng ilaw ng flyover kung kaya nag­dulot ito ng takot sa mga moto­rista lalo na nang makita ang kalahati ng truck ay naka­bitin sa itaas nito.

Nagkorteng numero siyete ang truck kung kaya na­hi­ra­pan ang mga awtoridad na agad na maialis sa pagkakaba­lagbag na tumagal nang halos isang oras.

Ayon kay Dulabot, nagloko umano ang transmission ng kan­yang truck kung kaya hindi niya ito naiahon lalo na nang mag­simulang umatras ito. (Ricky Tulipat)