P10-bilyong North Harbor project, pinabubusisi

Hiniling kahapon ng grupong Philippine Association of Migrant Workers and Advocate (PAMWA) sa kongreso at senado na imbestigahan ang umano’y maanomalyang bidding ng 10-bilyong North Harbor Modernization Project.

Sa isang pulong bali­taan sa Maynila, sinabi ni Engr. Nelson Ramirez, taga­­­­pagsalita PAMWA, na isinusulong nila ang kaka­iba ngunit epektibong pa­mamaraan para isa-pri­bado ang pinakamalaking domestic port ng bansa.

Aniya, hindi dapat pa­bayaan ng gobyerno na mapunta ang pamamahala ng North Harbor sa maling kamay tulad ni Rehgis Ro­mero ng R-II Builders dahil wala naman umano itong kakayahan para i-modernized ang North Harbor.

Sinabi ni Ramirez, na siya ring presidente ng Uni­ ted Filipino Seaferers (UFS), na ang Philippine Ports Authority (PPA) ang may pina­ka-angkop na ka­kayahan para gawing mo­derno ang North Harbor batay na rin sa malawak na karanasan sa port development at management sa bansa.

Iminungkahi rin ng PAM­WA na kung gusto talaga ng gobyerno na isulong ang pagsasapri­bado sa North Harbor ay dapat sa pama­magitan ng Initial Public Offering sa Stock Exchange.   (Mer Layson)