Mini shabu tiangge sa Maynila, dinemolis

MANILA, Philippines - Dinemolis ng mga ope­ratiba ng Manila Po­lice District (MPD) ang isang “mini shabu tiang­ge” na kanilang nadis­kub­re sa isinagawang Anti-Drug operation noong Martes sa Sta. Cruz, Maynila.

Personal na pina­ngun­a­­han kahapon ng umaga ni MPD Station 3 Com­mander Supt. Ro­mulo Sapitula ang pag­giba sa mini-shabu tiang­ge na matatagpuan sa Di­masa­lang st. corner Elias st. ng nasabing lugar.

Matatandaan na may 41 katao ang naaktuhang gumagamit at bumibili   ng umanoy shabu at mari­juana noong Martes sa isinagawang anti-drug operation kayat nadis­kubre ang nasabing ben­tahan ng droga.

Sa nasabing bilang nag-positibo sa paggamit ng droga ang may 23 ka­ tao sa isinagawang drug test ng Scene of the Crime Operatives (SOCO).

Patuloy naman uma­nong magsasagawa ng imbestigasyon ang pu­lisya upang matukoy kung sino ang supplier at drug lord na nagsisilbing financier sa nasabing shabu tiangge. (Gemma Amargo Garcia)