Bebot inasinta sa ulo

Isang hindi pa kilalang babae ang binaril sa ulo na ikinas­awi nito, habang naka­tayo sa isang kanto, sa Tondo, May­nila, kamakalawa ng gabi.

Ang biktima ay inilarawan lamang sa edad na 28-33, may taas na 5’2’’, nakasuot ng kulay itim na blusa at short pants na asul, may tattoo na korteng puso at pangalang “Lea” sa kanang bahagi ng dibdib (ma­selang parte).

Hindi pa rin natutukoy ng pulisya ang suspect na ma­bilis tumakas matapos ang pama­maril.

Sa ulat ni Det Jaime Gon­zales ng Manila Police District-Homicide Section, dakong 7:30 ng gabi, naka­tayo sa panulukan ng Chesa at Magsaysay Sts., Tondo ang biktima, matapos bumili ng softdrinks sa tindahan ng isang Eduardo Baluyot, 58.

May bigla umanong luma­pit na suspect habang naka­talikod ang biktima at barilin ito sa liku­rang bahagi ng ulo at mabilis na tumakas. (Ludy Bermudo)