142 dayuhan ipinatapon

Para lumuwag ang sobrang sikip nang kulu­ngan ng Bureau of Im­migration sa Bicutan, Taguig, umabot sa 142 over­staying na dayuhan ang idineport ng BI noong nakaraang taon.

Ito ang inihayag kaha­pon ni BI Commissioner Mar­celino Libanan na nag­sabing marami sa mga dayuhang pinatalsik palabas ng bansa ay ilang taon nang nakaku­long sa naturang piitan.

Ayon pa kay Libanan, 18 sa deportees ay ma­higit dalawang taong na­kakulong dahil sa kasong pagkabigong makakuha ng plane ticket o merong nakabimbing kaso sa korte sa Pilipinas. Ang iba naman ay may mga ka­song kriminal sa pinag­mulan nilang bansa ha­bang may mga dayuhang idineklarang undesirable alien. 

Pinuna pa ni Libanan na meron pang mga da­yuhan na ayaw bumalik sa kanilang sariling ban­sa at pinili pang manatili sa kulungan dahil sa pa­ni­ni­walang magtatagal sila rito at mabibigyan ng libreng pagkain at kan­lungan.

Idiniin niya na ang de­tention facility ng BI ay hindi dormitoryo para sa mga iligal na dayuhan kaya dapat nang mai­deport ang mga ito. (Butch Quejada)