Coed pisak sa truck

Kalunus-lunos ang sinapit na kamatayan ng isang dala­gang estudyante nang mabun­dol ito ng isang rumaragasang cargo truck at mapisak ang katawan nito habang patungo ang una sa unibersidad na pinapasukan nito, kahapon ng tanghali sa Las Piñas.

Nasawi noon din bunga ng matinding pinsala sa ulo at ka­tawan ang biktimang si Nerissa Aguila, 21, estudyante ng Per­petual Help University at resi­dente ng Block 33-Lot 14, Paris St., Golden City Subd., Imus, Cavite.

Sumuko naman sa pulisya ang suspect na si Eugenio Patano, 50 at residente ng 239 Concepcion st.,Pasig City.

Ayon kay P/Chief Inspector Reycon Garduque, hepe ng Operations Section ng Las Piñas City Police, pasado alas-11 nang mangyari ang nasabing insidente sa kahabaan ng Zapote-Alabang Road, Brgy. Pamplona, Las Piñas City.

Batay sa ulat, habang mina­maneho ni Patano ang Isuzu cargo truck na may plate TYM-328 patungo sa direksiyon ng Alabang ay hindi nito napansin ang biktima na patawid sa ka­bilang kalsada.

Dahil sa sobrang tulin ng sasakyan ay natumbok nito ang biktima kung kaya’t nakaladkad ito at tumama pa ang ulo nito sa semento dahilan upang agaran itong masawi. (Rose Tamayo-Tesoro)