Sa takot na maaresto sa tupada, tumalon sa sapa at patay na nang lumutang ang hindi pa nakikilalang lalaki sa Caloocan City kahapon ng umaga.
Tinatayang nasa edad 40 hanggang 45 ang biktima, nakasuot na kulay asul na t-shirt at short ang biktima. Patay na itong lumutang sa sapa sa Almar, Bagong Silang ng lungsod na ito dakong alas-6 kahapon ng umaga.
Nabatid na noong nakalipas na Linggo ng umaga ay nagkaroon ng tupada sa nasabing lugar kung saan ni-raid ito ng mga tauhan ng Criminal Investigation and Detection Group (CIDG).
Sa takot na masama sa 30 katao na naaresto ay tumalon ito sa sapa at hindi na nakita hanggang sa lumutang itong patay na kahapon. (Lordeth Bonilla)