Pahinante na-sandwich ng 2 tanker truck, patay

Patay ang isang pa­hinante nang maiipit ito ng dalawang tanker truck, kahapon ng umaga sa Malabon City.

Lasog ang katawan at namatay noon din sa pi­ nangyarihan ng insi­dente ang biktimang si Anthony Alonzo, 29, ng Magsaysay St., San Agus­tin ng na­banggit na lungsod.

Sumuko naman sa pulisya si Eugenio Sola, 41 ng Gumamela St., Longos ng lungsod at driver ng Isuzu Truck Tanker CFL-821.

Batay sa ulat, alas-6 ng umaga nang maga­nap ang insidente sa loob ng Spring Oil Compound, Magsaysay St., Malabon City.

Nabatid na kakata­pos lamang na maglipat ng mantika ang tanker ni Sola sa isa pang tanker nang paandarin na ito ng suspect.

Pag-atras ng suspect ay hindi nito na­malayan ang biktima sa likod ng tanker hang­gang sa mahagip ito at mapitpit ang huli ng dalawang tanker dahilan upang agad itong masawi. (Rose Tamayo-Tesoro)