Kelot na naglaro ng saging, itinumba

Isang hindi pa nakilalang lalaki ang pinatay sa saksak matapos mangulit at pagla­ruan ang mga panindang saging ng ilang manininda sa Tondo, Maynila, kamaka­lawa ng gabi.

Inilarawan lamang ang biktima sa edad 18 hang­gang 20 taong-gulang, ma­haba ang buhok, maputi, may taas na 5’1-5’3, at may tattoo na tatlong tuldok sa kanang braso.

Nanahimik naman ang mga tindero at tindera nang imbestigahan kung sino ang may kagagawan ng pana­naksak sa biktima.

Sa imbestigasyon ni PO3 Jonathan Bautista ng Manila Police District-Homicide Section, dakong alas-8:00 ng gabi nang makita na lamang na duguang nakabulagta ang biktima sa harapan ng Phi­lippine Textile Building, sa #992 Ylaya St., Tondo, May­nila. Siya ay isinugod sa Mary Jhonston Hospital su­balit idi­neklarang patay na.

Bago ang insidente, na­kita ng ilang saksi ang pag­lalaro ng biktima sa mga paninda ng ilang vendor kung saan ginagawa uma­nong trumpo ang saging na ikinalalamog nito.

Marami umano ang na­asar nang ayaw pasaway ang biktima na nangungulit sa mga dinaraanang pa­ninda.

Hinala ng imbestigador, nakulitan ang isa sa mga ven­dor kaya pinagsasak­sak ito subalit pinili na la­mang na manahimik ang na­­kasaksi sa pananaksak. (Ludy Bermudo)