Neuro-surgery ward ng PGH, nasunog

Isang sunog na pinani­niwalaang nagbuhat sa de­pektibong bentilador ang sinasabing dahilan ng   pag­ka­abo ilang bahagi ng neuro-surgery ward ng Philippine General Hospital sa Rizal Avenue, Sta. Cruz Maynila.

Kasabay nito, laking pasa­salamat naman ng tagapag­salita ng PGH na si Dr. Michael Tee, na walang na­saktan sa sunog na naganap kamakalawa ng umaga.

Agad namang inutos ni Dr. Carmelo Alfilor, director ang masusing imbestigasyon sa supplier ng kanilang ben­tilador.

Minamadali na rin ang pagsasaayos ng bahaging nasunog sa surgery ward upang agad na maibalik ang mga pasyenteng inilabas dito nang maganap ang sunog.

Iginiit ni Tee na hindi ma­aaring matagal na sarado ang naturang lugar dahil na rin sa dami ng pasyenteng dinala sa nasabing ospital. (Doris Franche)