Wanted sa frustrated murder nadakip sa cellphone snatching

Isang suspek sa frustrated murder ang nadakip nang agawin niya ang cell­phone ng isang beautician sa Navotas City kama­kailan.

Kinilala ng pulisya ang suspek na si Eduardo Soria alyas Eddie na matagal nang pinaghahanap dahil sa kinakaharap niyang kasong frustrated murder sa Mala­bon City Regional Trial Court.

Ayon sa pulisya kaha­pon, nang madakip si Soria ay natuklasang merong nakabimbing arrest warrant laban sa kanya na ipinala­bas ni Malabon Judge Leo­nardo Leonida.

Sinabi ni police desk officer PO3 Jerome Espina na na­ gawa lang madakip si Soria dahil sa pang-aagaw nito sa cellphone ni Ron Ereste, 21 anyos, ng Tondo, Manila.

Sa ulat ng pulisya, ganap na alas-10:00 ng gabi kama­kalawa nang mangyari ang insidente sa kahabaan ng Lapu-lapu Avenue, North Bay Boulevard South sa Navotas.

Papasakay sa isang jeep­ney na may biyaheng Ilaya-Divisoria ang biktima nang biglang sumulpot ang sus­pek at agawin ang cell phone nito saka mabilis na tumakas.

Nagsisigaw naman ng tulong ang biktima dahilan upang habulin ng ilang is­tambay ang suspek at ma­aresto bago dalhin sa Na­votas Police kung saan na­batid na isa pala itong wanted.

Nakatakdang dalhin ng mga awtoridad ang sus­pek sa Malabon RTC upang harapin nito ang kasong isinampa laban sa kanya kabilang ang robbery/snat­ching na­man sa piskalya na isi­nampa naman ng bik­tima. (Ricky Tulipat)