Doorbell nag-overheat:Bahay ng abogado naabo

Nag-init na doorbell ang itinuturong dahi­lan sa pakakatupok ng pamamahay ng isang abogado kahapon ng umaga sa Parañaque City.

Ayon sa ulat, nag-umpisang lumiyab ang bahay ni Atty. Edilberto Gaddi sa Kabihasnan corner Bonifacio St. dakong alas-6:41 ng umaga. Lumalabas sa paunang pagsisiyasat na nag-overheat na doorbell sa loob ng bahay ng pamilya Gaddi ang dahilan ng nabanggit na sunog.

Nakabakasyon ang pamilya Gaddi nang mangyari ang insidente. Dakong alas-7:05 naman ng umaga nang tuluyang maapula ng mga pamatay-sunog ang apoy na umabot sa pangalawang alarma.

Wala namang iniulat na nasawi o na­saktan habang inaalam pa kung magkano ang halaga ng mga ari-arian na tinupok ng apoy. (Rose Tamayo-Tesoro)