Chedeng ng fotog sinalpok

Nabundol ng isang pampasaherong bus ang isang mamahaling Mercedes Benz ng isang international photo­grapher habang patungo ito sa isang pulong-balitaan kahapon ng umaga sa East Avenue, Quezon City.

Inireklamo ng biktimang si John Adrian Javellana, correspondent ng Reuters Intl. at miyembro ng Foreign Correspondent Association of the Philip­pines, ang driver ng Luzon Bus Inc. na si Elvin Magbagay matapos na ma­bangga ang kanyang Chedeng na may plakang XRE-342).

Sa inisyal na ulat, naganap ang banggaan pasado alas-10 kahapon ng umaga sa East Avenue sa tapat ng East Avenue Medical Center (EAMC).

Nabatid na patungo sana sa ipi­natawag na pulong balitaan ni Health Sec­retary Francisco Duque III si Ja­vellana nang maganap ang banggaan.

Hindi naman gaanong nasaktan si Javellana sa insidente ngunit nasira ang puwitan ng kotse nito. (Danilo Garcia)