NCRPO nagbabala sa indiscrimante firing

Bukod sa kanilang mga tauhan, muling nag­­palabas ng babala ang National Capital Regional Police Office (NCRPO) sa lahat ng mi­yembro ng military, civilian volunteers, security guards, at mga sibilyang may-ari ng baril laban sa indiscri­ minate firing‚ ngayong selebrasyon ng Pasko.

Binalaan ni NCRPO chief, Director Leo­poldo Bataoil ang mga ito na agad na aares­tuhin at sasampahan ng kaso sa oras na ma­huli ng kanyang mga tauhan. Ipinag-utos ni Bataoil sa kanyang mga pulis na bukod sa hindi pagpa­pa­putok ng sarili nilang baril upang makisabay sa seleb­rasyon, ibinilin nito ang pagbabantay sa mga lugar na may kasay­sayan ng mga tina­maan ng ligaw na bala at agad na arestu­hin ang mga lalabag sa ka­utusan.

“Mahigpit nating pinagbabawal ito. Ang mga tauhan natin, mga kapatid sa military, mga CAFGU, mga security guards at firearms hol­der na civilian”, ayon kay Bataoil.

Ipinauubaya naman ng NCRPO ang pagse­selyo ng baril ng kani­lang mga pulis sa mga district directors sa ka­bila na nagpahayag na ang Quezon City Police District (QCPD) na hindi ito gagawin ngayong taon. (Danilo Garcia)