Arestado ang dalawang lalaki matapos makumpiskahan ng pillbox sa tapat ng simbahan habang isinasagawa ang Simbang Gabi sa Caloocan City kahapon ng umaga.
Kinilala ni C/Insp. Marcelo Mariano, hepe ng Station Investigation Division (SID) ng Caloocan-PNP, ang dalawang suspek na sina Jefferson Vallador, 18, ng Dagat-Dagatan, at Leo dela Cruz, 23; at residente ng Daang Bakal, kapwa sakop ng nabanggit na lungsod.
Sa ulat ng pulisya, dakong alas-4:30 ng umaga nang madakip ang dalawa sa tapat ng San Roque Church na matatagpuan sa A. Mabini St. ng nasabing lungsod.
Nakatayo ang dalawang suspek na parang may inaabangan ang mga ito nang mapansin sila ng mga pulis na kasalukuyang nagbabantay. (Lordeth Bonilla)