Kuya tinodas ng utol

Isang 36-anyos na lalaki ang sinaksak at napatay ng kanyang nakababatang kapatid matapos na magalit ang huli nang wala itong dinatnang pagkain sa kanilang bahay kamakalawa ng gabi sa Caloocan City.

Namatay habang ginagamot sa Tondo Medical Center sanhi ng mga saksak sa katawan si Nicolas Santos, ng Kamada, Dagat-Dagatan ng lungsod na ito.

Mabilis namang tumakas ang utol nitong suspect na si    Alexander, 33, matapos ang isinagawang krimen.

Batay sa ulat, dakong alas-9:30 ng gabi, umuwi sa kanilang bahay ang suspect at naghanap ng makakain. Gayunman, wala itong dinatnang pagkain kaya kinompronta ang kuya.

Dito na nagsimula ang mainitang pagtatalo hanggang sa kumuha ng patalim ang suspect at sinaksak ang kanyang kuya. (Lordeth Bonilla)