Transport strike, ikinasa bago mag-Pasko

Kasado na sa susunod na linggo o bago sumapit ang Pasko ang planong transport strike ng mga jeepney groups sa bansa sa pangunguna ng Pinag-isang Samahan ng mga Tsuper at Operators Na­tionwide (Piston) at Pasang Masda, gayundin ang mga kaalyado nitong grupo.

Ayon kay Piston Secretary General George San Mateo, layunin ng hakbang na mapu­wersa nila ang tatlong higan­teng kompanya ng langis ang Shell, Petron at Chevron na mag­­patupad ng isang one time big-time rollback sa presyo ng produktong petrolyo

Giit ng naturang mga gru­po na maibaba ng naturang mga oil companies sa P26 ang ha­laga ng kada litro ng diesel bago mag-Pasko dahil bumaba na anila sa average na 40 dollars ang kada bariles ng langis sa world market.

Napapanahon na umano para maibaba sa naturang ha­laga ang presyo ng diesel upang maging maganda naman ang Pasko ng maliliit na tsuper sa bansa. (Angie dela Cruz)