Vendor dedo sa parak

Binaril at pinatay ng isang police ang isang vendor habang ito ay nag­bi­bilyar kahapon ng umaga sa Caloocan City.

Dead-on-arrival sa Ma­nila Central University hos­pital sanhi ng tama bala sa dibdib at tiyan si Filamir Ralar, 40, ng A-179 Boni­facio Market, ng lungsod.

Nadakip naman ang suspek na si PO1 Do­mingo Ochoa, 36, nakata­laga sa Northern Police Dis­trict at residente ng #5 LBC bldg., Bonifacio Mar­ket.

Ayon sa ulat, dakong alas-9 ng umaga nang ma­ganap ang insidente ha­bang naglalaro ng bilyar ang biktima sa Bonifacio Market nang lapitan ng lasing na suspek.

Sinabihan ng suspek ang biktima na “babarilin kita” at nang sumagot si Ralar na “barilin mo” ay pinagbabaril nga ito ng pulis. Matapos ang insi­dente ay dinala ang bik­tima sa MCU habang tu­makas ang suspek subalit nadakip ito ng mga nag­respondeng mga pulis ha­bang hindi naman nakuha ang baril na ginamit nito.

Sa pahayag ng mga ka­anak ng biktima, naka­alitan ng suspek ang ka­ibigan ng nasawi na siyang sinasabing dahilan upang pati si Ralar ay pag-initan ni Ochoa.(Lordeth Bonilla)