Ginang dinukot daw ng parak

Isang negosyanteng ginang na asawa ng isang Pakistani national ang iniulat na dinukot ng isang pulis at kasa­ma­hang babae ng huli sa isang fast food chain kamakalawa ng gabi sa Pasay City.

Batay sa salaysay sa pulisya ni Chaudhny Kha­ran Aziz, 33, negos­yante, Pakistani national, resi­dente ng # 3 Sunvar Condominium, Luna St., Pasay City at mister ng biktimang si Elizabeth Macatangay, 31, una niyang inutusan ang ka­niyang misis na kunin ang P35,000 bilang ka­baya­ran sa pagkaka­utang ng isang May Jane alyas “MJ”

Dakong alas-7:00 ng gabi nang inihatid niya ang kanyang misis sa isang sangay ng Jollibee sa Roxas Boulevard, Pasay City para maki­pagkita kay “MJ” at ilang oras pa ang nakalipas ay umalis na umano ang una nang makitang ka­usap na ang sisingiling babae.

Mula naman noong maihatid ang biktima sa lugar, hindi na nakauwi pa ang kaniyang misis hang­gang sa isang nag­paki­lalang pulis ang ku­ma­usap sa mister ng biktima at humihingi ng ransom money kapalit ng ligtas na pagpapalaya sa ginang. (Rose Tamayo-Tesoro)