Tamad at nagtutulog na mga pulis, gagamitan ng sirena

Gagamitan ng mga si­rena at blinkers ng Que­zon City Police District (QCPD) ang kanilang mga tatamad-tamad na kabaro na nagtu­ tulog sa pagtupad ng ka­nilang tungkulin. Sinabi ni QCPD direc­tor, Sr. Supt. Mag­tanggol Gatdula na ipapatupad nila ngayon ang “Oplan Sirena Bulabog” na binuo ni Sr. Supt. Frederico Laciste, Deputy District Director for Operations.

Ipinaliwanag ni Gatdula na ang mga pulis na naka­talaga sa isang “Fixed Visi­bility Points (FVP)” sa lung­­sod ay madalas na nagre-relax kapag naging pamil­yar na sa kanila ang lugar. Sa pamamagitan ng pro­grama, makakalampag ang mga pulis na ito at ili­lipat sa ibang lugar para mapala­wak ang sakop ng lungsod na kanilang pag­pa­patrul­yahan.

Sa ilalim ng programa, magtatalaga ng mga patrol units ang QCPD sa bawat FVP sa 11 istasyon sa lung­sod. Kakalampagin na­man ng District Tactical Opera­tions Center (DTOC) ang mga ito sa nakatak­dang oras sa pamamagi­tan ng radyo upang mag­pa­litan ng kanilang posisyon. Dito na paaandarin ng patrol units ang kanilang mga sirena at blinkers ha­bang lumilipat ng lugar upang makalam­pag na­man ang mga ma­sa­sa­mang loob sa presen­sya ng pulisya. (Danilo Garcia)