Cremation libre

Binuksan kahapon ni Manila Mayor Alfredo Lim ang isang crematory sa Manila North Cemetery na magkakaloob ng lib­reng cremation sa mahi­hirap.

Sinaksihan din ni MNC head Peter Tamon­dong, South Cemetery chief Henry Dy at Senior Supt. Alex Gutierrez, hepe ng Manila City Hall Police Office ang gina­wang dry-run operation ng crematory.

Sinabi ni Lim na, sa panahong ito, mahal ang cremation na aabot sa P20,000. Subalit sa May­nila ay binigyang-prayo­ridad ng alkalde ang mga mahihirap na hindi ka­yang abutin ang presyo nito.

Sakaling nais ng ka­anak na huwag iuwi ang abo ng mahal sa buhay, may nakalaan din lugar ang nasabing semen­teryo para paglagakan. (Ludy Bermudo)