Sheriff ng DOLE kinasuhan sa kikil

Isinulong na sa Ma­nila Regional Trial Court (RTC) ang kasong kati­walian laban sa isang sheriff ng Depart­ment of Labor and Em­ployment (DOLE) na humingi ng ‘lagay’ ma­tapos manalo sa labor case ang isang par­tido noong nakalipas na taon.

Kasong paglabag sa Anti-Graft and Corrupt Practices Act ang isi­nampa sa Manila RTC ni As­sistant City Prose­cutor Lani M. Ramos ma­tapos makakita ng pro­bable cause laban kay Jacinto O. Ruiz, 57, ng Gen. Trias, Cavite.

Inirekomenda ang P30,000 piyansa para sa pansamantalang paglaya ni Ruiz. Nag-ugat ang kaso sa reklamo ng bikti­mang si Leonardo C. Can­dida ng Sta. Quiteria, Caloocan City nang hi­ngan ito ni Ruiz ng salapi noong Ok­tubre 2006.

Si Ruiz umano ang may hawak sa imple­men­­tasyon ng writ of execu­tion na inisyu ng DOLE at hinimok siya na magbigay ng P10,000 kapalit ng pagsasali sa mga ari-arian ng natalong kom­panya sa inisyung writ. (Ludy Bermudo)