3-anyos naatrasan ng truck, pisak

Pisak ang ulo ng 3-anyos na batang babae nang masa­gasaan ng malaking gulong ng isang trailer truck, habang naglalaro, sa Tondo, Maynila, kahapon ng umaga. Dead-on- the-spot ang biktmang si Ge­raldine Gomez, ng Capulong Highway, Tondo, Manila, bunga ng pagkadurog ng bungo.

Hawak na ng pulisya ang suspect na si Reggie Wacay, driver ng trailer truck at resi­dente ng Area H, Gate 3, Pa­rola Compound, Tondo, na sina­sabing sumuko kaagad sa awtoridad. Ayon sa ulat, da­kong alas-8 ng umaga nang ma­ganap ang insidente sa harapan ng bahay ng biktma sa Capulong Highway.

Nabatid na habang nagla­laro ang bata ay napunta ito sa tabi ng gulong ng nakapara­dang trailer. Hindi umano aka­ lain ng driver na may bata sa ilalim ng truck kaya nang iatras niya ito ay nagulungan ang bata sa ulo. Nakatakdang sampa­han ng kasong reckless impru­dence resulting in homi­cide ang suspect. (Ludy Bermudo)