Wanted na Hapones, timbog ng BI

Naaresto ng Bureau of Immigration (BI) ang isang 64-anyos na Japanese busi­nessman na dating as­semblyman sa Osaka, Japan na wanted sa ka­nilang bansa dahil sa hindi nito pagbabayad ng buwis na 250 milyon yen. Kinilala ni BI commissioner Mar­ce­lino Libanan ang suspek na si Masumi Ogawa. Na­aresto si Ogawa kama­kalawa sa Mandarin Hotel, Makati City kung saan ito pan­samantalang nanunu­luyan matapos ang halos isang linggong surveil­lance. Umaabot sa 700 million yen ang kinikita ni Ogawa mula sa kanyang real estate busi­ness subalit hindi nito idini­deklara nang tama sa kan­yang buwis.

Base sa record ng BI du­ma­ting sa bansa ang Hapon noong Nob. 18 kung saan dala­wang pasa­porte ang hawak nito, isa rito ay peke na may pa­ngalang Hideku Tatsuni. (Gemma Garcia at Rose Tesoro)