Nadakip at nakulong ang isang buntis na miyembro ng Salisi Gang makaraang biktimahin ng una at tatlo pang kasamahan nito ang isang negosyante kahapon ng umaga sa Mala-bon City.
Kinilala ang suspek na si Marian Causin, 24, ng Padre Rada, Kagitingan St., Tondo, Manila. Pinaghahanap pa ang dalawang hindi pa nakikilalang mga babae at isang pang lalaki na kasamahan ng una.
Hindi nabawi ang hala-gang P35,000 cash at N-70 cellphone ng biktimang si Nora Catina, negosyante ng Hulong Duhat Market, Hulong Duhat, Malabon City.
Batay sa isinagawang imbestigasyon ni PO3 Robert Miclat, dakong alas-8:00 ng umaga, unang pumunta ang mga suspek sa pwesto ng biktima at bumili ng itlog.
Dito inumpisahang lansi-hin ng mga suspek ang bikti-ma kung saan isa sa mga ito ang kumuha ng pera at cellphone ng nasabing ginang na nakita naman ng huli.
Matapos nito ay agad na mabilis na nagsitakas ang mga suspek ngunit nakahi-ngi naman ng tulong ang biktima na naging dahilan upang maaresto si Causin. (Rose Tamayo-Tesoro)