Onsehan sa droga: Vendor itinumba

Pinaniniwalaang onse­han sa droga ang nasa likod ng pamamaslang sa isang 44-anyos na vendor ng dalawang umano’y mga ‘tulak’ sa iligal na droga, sa Tondo, Maynila, kamaka­lawa ng hapon.

Hindi na umabot ng buhay sa Gat Andres Boni­facio Hospital ang bikti­mang si Kathy Apura, da­laga, ng   Magsaysay, Bgy. 120, Zone 9, Tondo, dahil sa tinamong tama ng bala sa leeg.

Wanted naman sa pu­lisya ang mga suspect na ki­ni­lala lamang sa mga alyas na “Mac-mac”, miyem­bro ng Batang City Jail at “Topie”, tinatayang kapwa nasa 20-taong gulang.

Nabatid sa report na dakong alas-2 ng hapon nang maganap ang pama­maril sa harapan mismo ng bahay ng biktima

Sinabi ni Marilou Nieves, live-in partner ni Apura, nag­­ tungo sa kanila ang dalawang suspect at sa si­mula ay mahinahon umano ang naging pag-uusap ng tatlo hanggang sa mauwi sa mainitang pagtatalo.

Sa galit umano ni Mac-mac ay sinabunutan ang biktma at kinaladkad pa­labas ng bahay at si Topie umano ang bumunot ng baril at ipinutok sa biktima na tumama sa leeg. Nang humandusay ang biktima ay kaswal lamang na luma­kad papalayo ang dala­wang suspect. Mariing iti­nanggi ni Nieves na guma­gamit o nagbebenta sila ng iligal na droga bagamat sa nakalap na impormasyon sa mga kapitbahay, narinig nila na ang pinagtatalunan ay hing­gil sa iligal na droga. (Ludy Bermudo)