Criminology student timbog sa snatching

Isang graduating stu­dent ng kursong crimino­logy ang dinakip sa ka­song snatching habang gamit ang motorsiklo na may sticker ng ‘MPD’, sa Er­mita, Maynila, kamaka­lawa ng gabi.

Nakilala ang suspect na si Raymond Antonio, part-time waiter, 23, 4th year student sa Philip­pine College of Crimi­nology (PCCr).

Pormal na nagharap ng reklamo ang bikti­mang si Jose Fernando, 51, laban sa nadakip na suspect.

Ayon sa ulat, dakong alas-7:30 ng gabi nang maganap ­ang insidente sa panulu­kan ng Taft Ave., at Padre Faura St., Ermita. Sinabi ni Fer­nando na habang nag-aabang siya ng sasakyan ay nilapitan siya ng sus­pect na sakay ng kulay itim na motor­siklo na may MPD sticker (XRM OT4922) at hab­lutin ang kanyang suot na Italian gold necklace na nagka­ka­halaga ng P5,000.

Napatumba ang bik­tima dahil sa pagkaka­hablot ng kanyang ku­wintas. Sakto namang napadaan si PO3 Fer­nando Onli, ng MPD-GAS at hinabol ang sus­pect hanggang sa ma­abutan at maaresto ito. (Ludy Bermudo)