Staff ng Malacañang itinumba

HInihinalang mga ba­yarang “hitman” ang pu­maslang sa isang em­pleyado ng Mala­cañang na binistay ng bala sa harap ng kan­yang bahay kamaka­lawa ng gabi sa Que­zon City.

Nakilala ang nasawi na si Dennis Garpa, 47-anyos, may-asawa, at nani­nirahan sa River­side Ext., Brgy. Common­wealth, ng naturang lung­sod. Nabatid na nagta­trabaho sa Board of Li­qui­dators sa ilalim ng Office of the Presi­dent ang biktima.

Nakatayo si Garpa sa harapan ng kan­yang bahay kasama ang isa niyang pinsan nang du­mating ang dalawang suspek sa­kay ng isang motor­siklo. Isa sa mga ito ang bumaba at walang sabi-sabing pinaputu­kan ang biktima sa ulo at katawan bago ma­bilis na tumakas sakay ng natu­rang motor­siklo.

Agad namang isi­nu­god si Garpa ng mga ka­anak sa Far Eastern Uni­versity Hospital ngunit hindi na ito umabot nang buhay dahil sa tindi ng tama ng bala na tinamo nito.

Partikular na tinutu­tu­kan ngayon ng mga oto­ridad kung may kinala­man sa trabaho ng bik­tima ang pamamaslang. Inaalam ng mga im­bes­tigador kung may tran­saksyon na may naka­galit ang biktima na ma­aaring maging daan sa pagkilala sa utak ng krimen.