440 kilo ng hot meat nasabat

Umaabot sa 440 kilo ng hot meat ang nakumpiska ng mga tauhan ng Veterinary Board Inspections (VIB) ng Manila City hall sa isina­gawang operasyon ng mga ito sa tatlong pamilihan sa Maynila kamakalawa.

Ayon kay Engr. Francisco Co, kabilang sa mga sinala­kay ay ang Divisoria Market, na dito nasamsam ang may 40 kilo ng double dead na karne; Nepo St., at Paco market na nakuhanan ng tig 200 kilos ng hot meat.

Sinabi ni Co na ang pag­ka­kasamsam sa mga hot meat ay bunsod na rin ng ka­utusan ni Manila Mayor Alfredo Lim na paigtingin ang kampanya laban sa mga illegal slaughter, pagbebenta at pagpapasok ng mga karne sa mga pamilihan sa Maynila.

Aniya, kailangan nilang mag­higpit lalo na ngayon dahil papalapit na ang Christmas season kung saan dadagsa ang mga mamimili ng mga karne na kanilang ipangha­handa. Dahil dito, sinabi ni Co na posibleng matanggalan ng permit ang mga pamilihan na mahuhuling lumalabag sa ordinansa.

Matatandaan na mula Oktubre 31 hanggang Nob­yem­bre 6 ay umaabot sa 400 kilos din ang nasabat ng mga awtoridad sa Divisoria din. (Doris Franche)