P66 ni-rollback sa kada tangke ng LPG

Matapos na magpatu­pad kahapon ang mga small players ng P1 rollback sa kada-kilo ng Li­quified Petroleum Gas (LPG), nag-tapyas naman ngayong araw (Miyer­kules) ang malalaking kompanya ng langis ng P6 sa kada-kilo o P66 sa kada-11 kg. tangke ng nasabing cooking gas.

Pasado alas-12 ng madaling-araw nang si­mulang magpatupad ng nasabing rollback ang Pili­ pinas Shell na agad na­mang sinundan ng Petron.

Nabatid na ang natata­masa ngayon ang patuloy na pagbaba sa presyo ng LPG ay bunga na rin ng patuloy na pagbulusok ng contract price nito sa pan­daigdigang merkado.

Ang mga small players naman na kinabibilangan ng LPG Marketers Association (LPGMA) ay may kabuuang P12 naman ang nai-tapyas na ng mga ito sa kanilang itinitindang LPG simula noong Ok­tubre 1 ng taong kasalu­kuyan kung saan may limang beses na ring nag-rollbcak ang mga ito.

Sa kabila naman ng sunud-sunod na rollback sa LPG, iginiit pa rin ng Energy­ Secretary Angelo Reyes na kulang pa rin ito at dapat ay agad na ipa­tupad ng mga dealers ang isang bagsakan P132 hanggang P191 big-time rollback sa presyo ng naturang cooking gas. (Rose Tamayo-Tesoro at Edwin Balasa)