Kartunista itinumba

Binistay ng bala ang katawan ng isang 39-anyos na cartoonist makaraang pagba­ba­rilin ng hindi pa kilalang salaring sakay ng mo­torsiklo kamaka­lawa ng gabi sa Pasig City.

Hanggang sa kasa­lu­kuyan ay blangko pa rin ang Pasig Police sa tunay na motibo ng pamamaslang sa bik­timang si Benjie Gue­varra, empleyado ng Fil Cartoonist Inc.. sa Mandaluyong City.

Naglalakad ang bik­tima dakong alas-6:00 ng gabi sa kahabaan ng Col. Cruz st., Ba­ran­­gay Bagong Ilog ng nasabing lungsod nang bigla na lang lu­mitaw ang isang mo­tor­siklo lulan ang sus­pek na armado ng 9 mm na kalibre ng baril at malapitang pinagba­baril ang biktima.

Nang maubos ang bala ng baril at masigu­rong wala nang buhay ang biktima ay mabilis na pinaharurot ng sus­pek ang kanyang mo­tor­siklo upang tumakas.