CCTV giit ikabit sa mga banko at establishments

Iginiit ng Quezon City government sa mga bank owners na mag­lagay din ang mga ito ng close circuit cameras sa labas ng kanilang gusali upang ma­ka­iwas na mabik­tima ng mga sindikato ng bank robbery­.

Ayon kay Pacifico Maghacot, hepe ng Business Permit and Licensing Office (BPLO), kailangang I-require sa mga bangko ang pag-iinstala ng CCTV cameras kahit sa labas ng kanilang mga gusali lalo na sa main entrance at park­ing space para sa mga kostumer upang maingatan ang kanilang negosyo sa mga nakawan.

Sinabi ni Maghacot na sa ga­nitong paraan, malaki ang maitu­tulong ng mga bangko sa mga pulis na maresolba ang mga insidente ng krimen at makilala ang mga kriminal na nanloloob sa mga ito.

Sinabi pa rin nito na ang pagla­lagay ng alarm system konek­tado sa himpilan ng pulisya ay epekti­bong paraan upang ma­iwasan na ma­biktima ng mga bank robbers sa lungsod.

Una rito, sa 95 bank establishments na nakarehistro sa BPLO ng QC, lahat ng mga ito ay may CCTV cameras sa loob ng banko at ATM faci­lities at 2 lamang dito ang walang CCTV cameras. (Angie dela Cruz)