Seaman kinotongan ng money changer

Dinakip ng mga ta­uhan ng Manila Police District-District Special Police Unit ang isang 52 anyos na teller ng isang money changing shop makaraang ireklamo ng isang seaman na nagpa­palit ng $2,000 dolyar sa Mabini, Ermita, Maynila.

Nakapiit ngayon sa presinto ang suspect na si Precy Mariano, tubong Pampanga at nakatira sa 507 Sta. Monica St., Mabini matapos na ma­aresto ni PO2 Angelito Gaviola sa loob ng Gigs Money Changer.

Ayon sa imbestigas­yon ni PO3 Amador Ja­reno Jr., naghahanap ang bikti­mang si Anthony Mark Tobias, 25, ng money changer na mag­pa­palit sa mas ma­taas na halaga ng kan­yang perang dolyar nang la­pitan ng suspek at isang alyas Ma­rilyn at inalok na palitan ang kan­­yang dolyar sa pali­tang P50$1.

Binilangan siya ng suspect ng P100,000 bilang kapalit sa kanyang $2,000 pero nang muli niya itong bilangin sa loob ng BPI Bank, Adriatico branch kinalaunan ay natuklasan niyang kulang ng P50,000 ang ibinigay na pera ng suspek. (Doris Franche)