Surprise inspection uli sa Quezon City jail

Isa na namang sorpre­sang inspeksiyon ang isi­na­gawa ng mga awtoridad sa Quezon City jail kung saan muling nakasamsam ng mga panaksak at iba pang kontrabando, ka­hapon ng umaga.

Sinasabing ilang piraso ng mga appliances tulad ng television, DVD, radio, at iba’t ibang uri ng panaksak at kahit malaking halaga ng pera ang natag­puan sa isi­nagawang labing-limang minutong inspeksiyon sa mga selda ng QCH in­mates. Ang isinagawang sor­pre­sang inspeksiyon na pinangunahan ni Metro Manila jail head Chief Supt. Serafin Barretto Jr, ay pa­ngalawa na simula noong Oktubre 12, nang magsa­gawa ng inspeksiyon dito ang bagong Quezon City jail warden na si Supt. Emilio Culang Jr.

Ang naunang inspek­siyon ay nasamsam ang ma­higit sa 200 sachets ng marijuana at methamphe­tamine hydrochloride o shabu at mga deadly weapons. Kapwa isinisi nina Barretto at Culang sa paki­kipagsabwatan o sim­pa­tiya ng ilang tiwaling ka­ wani ng QCJ na sina­sa­bing ma­luwag sa mga preso ang dahilan ng pa­tuloy na pag­kakaroon ng mga kontra­bando sa mga selda dito. (Angie dela Cruz)